Dy lindje të lumtura në Maternitetin e Korçës
Në orën 01:30 të mëngjesit të 1 janarit, në Maternitetin e Korçës, ka lindur bebi i parë i vitit 2025, një djalë. Pas vetëm një ore, ka ardhur në jetë edhe një vajzë, duke sjellë një gëzim të dyfishtë për familjet dhe stafin mjekësor. Të dy bebet dhe nenat e tyre gëzojnë shëndet të plotë dhe janë në kujdesin e mjekëve.
Ky moment i gëzueshëm shënon një fillim të bukur për vitin e ri në qytetin e Korçës, ku familjet dhe stafi mjekësor kanë shpërndarë lumturi dhe shpresa për të ardhmen.
