Nxënësit e shkollës “Gjokë Shqiptari” në Pogradec kanë treguar një shembull të shkëlqyer solidariteti duke ndihmuar familjen Baçi, e cila humbi shtëpinë nga një zjarr disa ditë më parë. Në një akt human, ata kanë dorëzuar ushqime, veshmbathje dhe një shumë të konsiderueshme monetare për familjen në nevojë.

Drejtoresha e shkollës, Elsona Turshinka, u shpreh se shkolla gjithmonë do të jetë një derë e hapur për komunitetin dhe se bashkëpunimi për kauza të tilla është pjesë e vlerave që kjo shkollë promovon.

Nga ana tjetër, Mimoza Blacëri, mësuese dhe përgjegjëse për klubin “Pema e Mirësisë,” theksoi se kjo iniciativë u realizua falë përpjekjeve të përbashkëta të stafit mësimor dhe nxënësve.

Dy nxënës anëtarë të klubit, gjatë dorëzimit të ndihmave, theksuan rëndësinë e mbështetjes për njerëzit në vështirësi dhe ndjenjën e kënaqësisë që sjell ndihma ndaj të tjerëve.

Ky akt solidariteti tregon forcën e bashkimit dhe ndjeshmërinë e brezit të ri ndaj vështirësive që përballen individët në nevojë.