62-vjeçari gjendet i pajetë në oborrin e shtëpisë në Çiflig, dyshimet e para për arrest kardiak
Një ngjarje e rëndë ka ndodhur në fshatin Çiflig, ku një 62-vjeçar është gjetur i pajetë në oborrin e banesës së tij. Familjarët kanë njoftuar menjëherë policinë, e cila ka mbërritur në vendngjarje dhe ka nisur hetimet për të zbardhur rrethanat.
Trupi i pajetë është dërguar në morgun e spitalit të Korçës për ekspertizë mjeko-ligjore. Sipas informacioneve paraprake, dyshohet se shkaku i vdekjes mund të jetë arresti kardiak, por pritet konfirmimi zyrtar nga mjekësia ligjore. Policia vijon hetimet për të sqaruar plotësisht shkaqet e kësaj ngjarjeje.
