Partia Socialiste ka përfunduar mbledhjen e saj të grupit parlamentar, duke diskutuar tematika kyçe për periudhën e ardhshme. Më 4 nëntor do të nisë debati për buxhetin e vitit 2025, me propozimin për kalendarin e tij në Konferencën e Kryetarëve më 18 nëntor dhe votimin përfundimtar në parlament më 2 dhjetor.

Kryetari i grupit parlamentar të PS-së, Niko Peleshi, ka theksuar rëndësinë e vazhdimit të komunikimit të deputetëve me pensionistët për t’i informuar dhe sqaruar çështjet me interes për ta.

Ndërkohë, do të vazhdojë edhe turi i diasporës, me takime të planifikuara më 3 nëntor në Selanik dhe më 24 nëntor në Londër. Deputetëve u është kërkuar mobilizim dhe pjesëmarrje aktive në këto aktivitete.