Aksident në aksin Korçë-Maliq, përplasen tre mjete pranë fshatit Lumalas
Një aksident rrugor ka ndodhur sot në aksin Korçë-Maliq, në afërsi të fshatit Lumalas, ku janë përfshirë tre automjete. Mes tyre ndodhej edhe një automjet me targa greke, në të cilin udhëtonin edhe fëmijë.
Fatmirësisht, nga përplasja nuk ka pasur lëndime në njerëz, por vetëm dëme materiale. Policia ka mbërritur menjëherë në vendngjarje për të hetuar shkaqet e aksidentit dhe për të normalizuar trafikun në zonë, i cili u rëndua për shkak të ngjarjes.
Paraprakisht dyshohet se aksidenti mund të jetë shkaktuar nga një manovër e gabuar ose mosrespektimi i distancës së sigurisë. Hetimet po vijojnë për të përcaktuar përgjegjësitë dhe dinamikën e ngjarjes.
