Dardhasi i Pogradecit në terr, disa fshatra pa energji elektrike
Moti i keq i shoqëruar me erëra të forta dhe reshje dëbore ka shkaktuar ndërprerje të energjisë elektrike në disa zona rurale në qarkun e Korçës.
Pesë fshatra të njësisë administrative Dardhas në Pogradec, që furnizohen nga fidri i Maliqit, janë aktualisht pa energji elektrike. Shkak për ndërprerjen janë këputjet e përcjellësve elektrikë për shkak të erës dhe dëborës.
Probleme janë raportuar edhe në disa fshatra të njësisë administrative Lekas në Maliq, ku energjia mungon prej orës 17:00 të pasdites së sotme ndersa ka pasur shkeputje edhe ne fshatra te tjere kryesisht ne zonat malore
Banorët e këtyre zonave janë përballur edhe më parë me situata të ngjashme, pasi rrjeti elektrik është i amortizuar dhe shpesh pëson dëmtime gjatë motit të keq.
Ekipet e OSHEE-së po punojnë për riparimin e defekteve dhe rikthimin sa më shpejt të energjisë elektrike ndërkohë që moti i vështirë dhe dëbora po e pengojnë procesin e ndërhyrjes.
