Në Devoll vijojnë kontrollet intensive për parandalimin dhe goditjen e veprimtarisë së paligjshme të lojërave të fatit. Operacioni policor i koduar “Round” ka evidentuar një rast në fshatin Poloskë, ku një lokal ishte përshtatur për zhvillimin e kësaj veprimtarie.

Si rezultat, u arrestuan në flagrancë tetë shtetas, të moshave nga 28 deri në 54 vjeç, të cilët u kapën duke luajtur bixhoz në ambiente të lokalit. Gjithashtu, pronarja e lokalit, shtetasja D. L., 43 vjeçe, është proceduar penalisht në gjendje të lirë për veprën “Vënia në dispozicion e lokaleve për lojëra të palejuara”.

Gjatë kontrollit, policia sekuestroi në cilësinë e provës materiale dy tavolina të përshtatura për lojëra, letra bixhozi dhe një shumë parash.

Materialet i janë dorëzuar Prokurorisë pranë Gjykatës së Shkallës së Parë në Korçë për hetime të mëtejshme. Kontrollet e policisë do të vijojnë për të luftuar këtë fenomen dhe për të adresuar shqetësimet e qytetarëve.

Personat e arrestuar për operacionin

Aleks Ago
Bledar Ibo
Enea Backa
Igli Staro
Maksim Ibo
Orgest Gjoza
Pandeli Nasto
Petrika Lushi.

njoftimi nga Drejtoria e Policisë së Qarkut Korçë:

Devoll

Vijojnë kontrollet për parandalimin dhe goditjen e veprimtarisë së kundërligjshme të lojërave të fatit.

Kontrollet, nisur dhe nga telefonatat dhe shqetësimet e adresuara nga qytetarët, për këtë veprimtari të kundërligjshme.

Kishte përshtatur lokalin për zhvillim të lojërave të fatit, procedohet penalisht 43-vjeçarja.

Vihen në pranga 8 shtetas që u kapën në flagrancë duke luajtur lojëra fati, në këtë lokal, në fshatin Poloskë.

Si rezultat i kontrolleve të vazhdueshme që kryhen në ambiente të ndryshme, për evdentimin dhe goditjen e veprimtarisë së paligjshme të lojërave të fatit, bazuar dhe në informacionet e siguruara nga inteligjenca policore dhe nga shqetësimet e adresuara nga qytetarët, për këtë veprimtari të kundërligjshme, shërbimet e Policisë, në kuadër të operacionit policor të koduar “Round”, kanë evidentuar në fshatin Poloskë, një lokal që ishte përshtatur për këtë veprimtari të paligjshme.

Në vijim të veprimeve procedurale për këtë rast, u arrestuan në flagrancë shtetasit: A. A., 44 vjeç, B. I., 31 vjeç, E. B., 28 vjeç, I. S., 33 vjeç, M. I., 29 vjeç, O. Gj., 32 vjeç, P. N., 31 vjeç dhe P. L., 54 vjeç, të gjithë banues në fshatrat e Devollit, të cilët u kapën në flagrancë ambientet e lokalit, duke luajtur me letra bixhozi.

Gjithashtu u refeuan materialet në Prokurori ku nisi procedimi në gjendje të lirë për pronaren e lokalit, shtetasen D. L., 43 vjeçe, banuese në fshatin Poloskë, Devoll, për veprën penale “Vënia në dispozicion e lokaleve për lojëra të palejuara”.

2 tavolinat e përshtatura për lojë, letrat e bixhozit dhe një shumë parash u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.