Të dashur besimtarë dhe qytetarë korçare.
Sonte në mbrëmje, pas perëndimit të diellit, me emrin e Allahut hyjmë në natën e 27-të të muajit Ramazan. Ne muajin e Ramazanit eshte nje nate e madhe, te cilen besimtaret e presin me padurim dhe ajo eshte Nata e Kadrit. Sipas hadithit, i cili thekson ta kërkojmë atë në netët teke të 10 ditëshit të fundit të Ramazanit, sonte në mbrëmje është probabiliteti për të qenë nata e Kadrit.

Natën e Kadrit eshte nata e paqes, faljes dhe mëshirës së pakufishme nga Zoti. Është momenti për të ndalur ritmin e ditës dhe për t’iu kthyer shpirtit, për të kërkuar falje, për të falur dhe për të lutur për një qytet më të mirë.

Në lidhje me vlerën e Natës së Kadrit, citohet si më poshtë në suren “Kadr” në Kur’anin Famëlartë.
“Me të vërtetë ne e zbritëm atë (Kur’anin) në natën e Kadrit. Dhe a e di ti se ç’është Nata e Kadrit? Nata e Kadrit është më e mirë (më e vlefshme) se njëmijë muaj. Melaiket dhe Shpirti (Xhebraili), me lejen e Zotit të tyre, zbresin në këtë natë, me të gjitha vendimet. Paqe është ajo deri në lindjen e agimit.” (Kadr: 1-5)

Profeti Muhamed (paqja qoftë mbi të) ka thënë:
“Kush e kalon Natën e Kadrit me besim dhe shpresë në shpërblimin e Zotit, do t’i falen të gjitha mëkatet e kaluara.” (Hadith, Buhariu)

Le të bashkohemi në lutje, në falje, në mirësi për njëri-tjetrin.
Le ta kalojmë këtë natë me zemër të pastër dhe mendje të kthjellët.
Mos e humbni këtë mundësi hyjnore – ajo vjen vetëm një herë në vit!
Xhamite tona janë në dispozicion për ju.
Zoti e pranoftë agjërimin, lutjet dhe veprat tuaja të mira!