Pogradec/Ndërron jetë në spital endacaku Peçi(Petrit Jesku)

Petrit Jesku ose siç e njihnin të gjithë në Pogradec Peçi, endacaku i cili prej shumë vitesh jetonte si i tillë në Pogradec mësohet se ka ndërruar jetë ditën e sotme në spitalin e Pogradecit ku ai ishte i shtruar në sallën e reanimacionit pasi kishte shfaqur probleme të rënda shëndetësore rreth orës 6 të mëngjesit të sotëm.

Pavarësisht ndërhyrjes së mjekëve, Peçi nuk ka arritur dot ti rezistojë problemeve shëndetësore.

Peçi është një personazh mjaft i njohur në Pogradec i cili ka qenë i braktisur nga familja e tij prej shumë vitesh dhe për pasojë flinte ku të mundte, për disa kohë ai flinte në një rulo, e në raste të tjera flinte në hyrje pallatesh.

Ndaj tij vazhdimisht ka pasur një solidarizim të madh nga qytetarët të cilët çdo ditë e ndihmonin me ushqim dhe veshmbathje, gjithashtu edhe një fondacion i ofronte higjenë dhe kujdesje fizike të cilën në shumë raste ai e refuzonte.

Peçi ishte një personazh i cili në pamje të parë duke problematik, vetëm në rastet kur e ngacmonin fëmijët, por kur ishte në gjendje të stabilizuar të tregonte shumë për jetën dhe vuajtjet e tij dhe se si familja e kishte braktisur.

Peçin nuk do ta shohin më në rrugë, apo në stola, njerzit nuk do mund të solidarizohen më me të, e në këtë rast nuk na mbetet veçse ti urojmë të pushojë i qetë dhe Zoti ta marrë pranë vetes për ti dhënë kujdesin që familja nuk ja dha në këtë tokë.