Probleme me furnizimin me energji elektrike në juglindje, mijëra abonentë pa energji
Situata me furnizimin me energji elektrike në rajonin juglindor të Shqipërisë është përkeqësuar, duke lënë pa energji mijëra abonentë në disa zona rurale. Aktualisht, 5,628 abonentë janë pa energji elektrike për shkak të defekteve të shumta në rrjet, kryesisht si pasojë e reshjeve të dëborës.
Zonat më të prekura përfshijnë:
Fideri Vithkuq (NST Rehovë): Pa energji, 6 abonentë në Brozdovec dhe Mazrek.
Fideri Cervenakë (NST Gur i Kuq): Pa energji, 12 abonentë në zona rurale.
Fideri Potgozhan (NST Gur i Kuq): Pa energji, 160 abonentë në Bishnicë dhe Çezmat.
Fideri 8 (NST Bilisht): Pa energji, 570 abonentë në Goricë e Madhe, Goricë e Vogël, Kallamas dhe Gollomboc.
Fideri 5 (NST Bilisht): Pa energji, 3,210 abonentë në zonën e Mirasit.
Fideri 19 (NST Korçë): Pa energji, 150 abonentë në Dardhë.
Fideri Frigorifer (NST Gjanç): Pa energji, 120 abonentë në Lavdar.
Fideri 6 (NST Mollas): Pa energji, 50 abonentë në Panarit.
Fideri 9 (NST Lozhan): Pa energji, 100 abonentë në Lozhan.
Këto ndërprerje kanë prekur kryesisht zona të thella rurale, ku reshjet e dëborës kanë dëmtuar linjat elektrike. Ekipet e OSHEE janë në terren për riparimin e avarive, por nuk ka ende një afat të saktë për rikthimin e energjisë në të gjitha zonat e prekura.
