Reshje dëbore në pjesën më të madhe të juglindjes së vendit, reshje që kanë qenë më të dendura në zonat malore aty ku trashësia e dëborës ka shkuar nga 5-10 cm

Reshjet kanë filluar të mbrëmjen e së premtes dhe kanë vijuar për më shumë se disa orë. Reshje dëbore me intensitet të ulët ka patur edhe në qytetin e Korçës

Nuk raportohen probleme përsa i përket qarkullimit në akset nacionale përfshi këtu dhe fshatrat turistik të Dardhës, Voskopojës e Vithkuqit

Gazetari Tonin Frroku raporton se probleme ka patur në akset e rrugëve malore aty ku trashësia e dëborës ka qenë më e madhe dhe se është punuar për normalizimin e situatës.

Gjatë reshjeve të dëborës ka patur shkëputje të herëpashershme të energjisë elektrike në njësitë administrative të fshatrave malore.

Policia e qarkullimit rrugor u kërkon drejtuesve të mjeteve që do të kalojnë fundjavën në fshatrat turistike të bëjnë kujdes e mjetet ti kenë të pajisur me goma dimërore.